Innlent | mbl | 30.12.2012 | 14:15 | Uppfært 19:25

Innlendar fréttamyndir ársins

Mynd 1 af 34 Agnes M. Sigurðardóttir var kjörin biskup Íslands, fyrst kvenna. Hún tók við lyklum að Dómkirkjunni og Biskupsstofu úr hendi Karls Sigurbjörnssonar, fyrrverandi biskups við lok prestastefnu í sumar.

Mynd 2 af 34 Sólin baðaði séra Agnesi M. Sigurðardóttur, nývígðan biskup Íslands, við biskupsvígsluna í Hallgrímskirkju.

Mynd 3 af 34 Þóra Arnórsdóttir, Andrea Ólafsdóttir og Ari Trausti Guðmundsson voru meðal þeirra sex sem sóttust eftir því að verða forseti Íslands.

Mynd 4 af 34 Þóra Arnórsdóttir á kosningavöku. Fyrstu kannanir sýndu mikinn stuðning þjóðarinnar við Þóru í embætti forseta Íslands.

Mynd 5 af 34 Ólafur Ragnar Grímsson var endurkjörknn forseti landsins. Hann mætti á gamla forsetabílnum til embættistökunnar ásamt konu sinni, Dorrit.

Mynd 6 af 34 Ólafur Ragnar Grímsson við embættistökuna í Alþingishúsinu í ágúst.

Mynd 7 af 34 Maður lést er sprenging varð í íbúð hans við Ofanleiti í Reykjavík í september. Gassprenging varð í íbúðinni. Kristinn Ingvarsson

Mynd 8 af 34 Óveður í Reykjavíkurhöfn í febrúar.

Mynd 9 af 34 Hollywood-parið Katie Holmes og Tom Cruise komu til landsins í sumar. Holmes var ekki fyrr farin af landinu en hún sótti um skilnað við Cruise. Hér eru þau á gangi niður Skólavörðustíg - síðasta myndin sem tekin var af þeim saman. Júlíus Sigurjónsson

Mynd 10 af 34 Reynslan af fyrsta Landsdómsmáli sögunnar sýnir að full ástæða er til þess að gera breytingar á því fyrirkomulagi sem lögin um landsdóm kveða á um. Um þetta eru þau Róbert Spanó, prófessor lagadeildar Háskóla Íslands, Sigríður Friðjónsdóttir ríkissaksóknari og saksóknari Alþingis í málinu gegn Geir Haarde og Friðrik Árni Friðriksson Hirst, aðstoðarmaður verjanda Geirs Haarde, öll sammála, miðað við það sem fram kom á málstofu sem Lagastofnun HÍ og Orator stóðu fyrir um dóm Landsdóms. Golli

Mynd 11 af 34 Geir H. Haarde fær koss frá eiginkonununni, Ingu Jónu Þórðardóttur við upphaf landsdóms í Þjóðmenningarhúsinu.

Mynd 12 af 34 Sigríður J. Friðjónsdóttir, saksóknari Alþingis, og Helgi Magnús Gunnarsson, varasaksóknari, koma sér fyrir í Þjóðmenningarhúsinu við upphaf landsdóms. Kristinn Ingvarsson

Mynd 13 af 34 Landsdómur kom í fyrsta sinn saman á árinu. Kristinn Ingvarsson

Mynd 14 af 34 Hreiðar Már Sigurðsson, fyrrverandi forstjóri Kaupþings, var meðal þeirra fjölmörgu vitna sem komu fyrir landsdóm. Kristinn Ingvarsson

Mynd 15 af 34 Steingrímur J. Sigfússon, formaður Vinstri grænna, var meðal þeirra sem bar vitni fyrir landsdómi. Kristinn Ingvarsson

Mynd 16 af 34 Það er mat Sigurðs Einarssonar, fyrrverandi stjórnarformanns Kaupþings, að hægt hefði verið að draga úr starfsemi bankans á Íslandi árið 2008. Andri Árnason, verjandi Geirs H. Haarde, spurði Sigurð við vitnaleiðslur í landsdómi, hvort raunhæft hefði verið að minnka bankakerfið árið 2008. Kristinn Ingvarsson

Mynd 17 af 34 Veðrið lék við landsmenn í sumar. Dag eftir dag skein sólin.

Mynd 18 af 34 Birgitta Jónsdóttir og Atli Gíslason hlusta á ræður í kjölfar stefnuræðu forsætisráðherra í haust. Kristinn Ingvarsson

Mynd 19 af 34 Össur Skarphéðinsson og Jóhanna Sigurðardóttir. Jóhanna gefur ekki kost á sér í þingkosningunum í vor. Kristinn Ingvarsson

Mynd 20 af 34 Jón Bjarnason á alþingi í mars. Eggert Jóhannesson

Fjörugur kosningavetur framundan. Guðmundur Steingrímsson stofnaði Bjarta framtíð, Ásmundur Einar Daðason gekk í framsóknarflokkinn og …

Mynd 21 af 34 Fjörugur kosningavetur framundan. Guðmundur Steingrímsson stofnaði Bjarta framtíð, Ásmundur Einar Daðason gekk í framsóknarflokkinn og Höskuldur Þórhallsson tókst á við formann Framsóknarflokksins í Norðausturkjördæmi. Kristinn Ingvarsson

Mynd 22 af 34 Alþingi sett. Steingrímur J. Sigfússon atvinnuvegaráðherra speglast í gleraugum Ólafs Ragnars Grímssonar, forseta Íslands, við setningu Alþingis, 141. löggjafarþings. Golli

Mynd 23 af 34 Skrúfa Herjólfs skemmdist við Landeyjahöfn í nóvember og var skipið frá í nokkurn tíma. Árni Sæberg

Mynd 24 af 34 Wen Jiabao forsætisráðherra Kína í í heimsókn til Íslands og skoðaði m.a. Þingvelli frá Hakinu ásamt Jóhönnu Sigurðardóttur, forsætisráðherra Íslands. Ómar Óskarsson

Mynd 25 af 34 Helle Thorning Scmidt forsætisráðherra Danmerkur heimsótti Ísland í ágúst. Hún fór ásamt Jóhönnu Sigurðardóttur til Þingvalla. Ómar Óskarsson

Mynd 26 af 34 Stormviðri gekk yfir landið í byrjun nóvember. Mjög hvasst var í höfuðborginni og losnaði m.a. þak af húsi við Laugaveg. Golli

Mynd 27 af 34 Miklar vindhviður mynduðust við háhýsi í Reykjavík í óveðri í byrjun nóvember. Golli

Mynd 28 af 34 Í byrjun júní sigldi mestallur skipafloti landsins til hafnar og sjómenn og útgerðarmenn fjölmenntu á samstöðufundi á Austurvelli þar sem fyrirhuguðum breytingum á fiskveiðistjórnunarkerfniu var mótmælt. Rax

Mynd 29 af 34 Mannfjöldi á Austurvelli á samstöðufundi sem LÍÚ boðaði til í júní.

Mynd 30 af 34 Eiríkur Ingi Jóhannsson komst einn lífs af þegar togarinn Hallgrímur fórst undan ströndum Noregs í janúar. Árni Sæberg

Mynd 31 af 34 Sprengja sprakk á Hverfisgötu, til móts við Stjórnarráðið, í byrjun árs. Árni Sæberg

Mynd 32 af 34 Það er yfirleitt mikil gleði á þessum árstíma í sveitinni en það er annað núna, sagði Guðmundur Jónsson, fjárbóndi í Fagraneskoti í Suður-Þingeyjarsýslu. Margir bændur á Norðurlandi urðu illa úti í óveðri sem skall á í september. Skapti Hallgrímsson

Mynd 33 af 34 Íslenska sauðkindin sýndi svo ekki verður um villst að hún er harðgerð. Sumar ærnar lifðu vikum saman í fönn eftir óveðrið í september. Þessi var þeirra á meðal. Atli Vigfússon

Mynd 34 af 34 Umfangsmesta dómsmál sérstaks saksóknara, Vafningsmálið svokallaða, var fyrir dómi í desember. Styrmir Kári

Frá fjárleit á Þeistareykjum í september. Björgunarsveitin Ársól Reyðarfirði.

Kínverskur auðmaður vildi kaupa land en hafði ekki erindi sem erfiði. Landsdómur kom saman í fyrsta sinn og kona var kosin biskup yfir Íslandi. Sex slógust um forsetastólinn og Hollywood-leikarar fylltu götur. Hitamet féllu um sumarið og kraftaverkakindur komust lífs af um haustið - sumar eftir marga daga og jafnvel vikur á kafi í snjó. Þetta og miklu fleira gerðist árið 2012.

Með því að smella á renninginn hér að ofan má sjá ítarlega myndasyrpu með innlendum fréttamyndum ársins 2012.