Páll Óskar gerir kynfræðslumynd
Setja bókamerki
Poppstjarnan Páll Óskar lauk nýverið við að leikstýra 20 mínútna langri stuttmynd um kynlíf sem nefnist: „Fáðu já!“. Myndinni er ætlað að skýra mörkin á milli kynlífs og ofbeldis, vega upp á móti áhrifum klámvæðingar, brjóta ranghugmyndir á bak aftur og innræta sjálfsvirðingu í nánum samskiptum.
Leikstjóri er Páll Óskar Hjálmtýsson, sem einnig semur handritið ásamt Brynhildi Björnsdóttur og Þórdísi Elvu Þorvaldsdóttur en framleiðandi er Zetafilm. Myndin er styrkt af Mennta- og menningamálaráðuneyti, Innanríkisráðuneyti og Velferðarráðuneyti í vitundarvakningu um kynferðislegt ofbeldi gagnvart börnum og unglingum.
Myndin verður sýnd samtímis í öllum grunn og framhaldsskólum á Íslandi miðvikudaginn 30. janúar. Allir geta séð myndina í háskerpu á heimasíðunni www.faduja.is sem opnar sama dag. Þar verður einnig hægt að nálgast myndina textaða á ensku, pólsku, spænsku, dönsku, filippeysku og íslensku fyrir heyrnardaufa.
Varnargarðar hækkaðir um 3 til 4 metra
Flestir sem hvergi finnast koma frá Sómalíu
Gasmengun gæti borist yfir höfuðborgarsvæðið
50 milljónir eiga að minnka svindl um 1 milljarð
Reiðubúin að aflýsa verkföllum í fjórum leikskólum
Í kappi við tímann að reyna að afstýra verkfalli
Ekki vandamál að vera karlmaður