„Ég er með staðfestingu á því. Ég veit um stelpur sem eru þarna sem eru þrettán ára,“ segir viðmælandi sjónvarpsmannsins Sölva Tryggvasonar í Málinu sem sýndur verður á SkjáEinum í kvöld. Á hann þar við íslenskar stúlkur sem finna má myndir af á barnaklámsíðum.

Sölvi segir að maðurinn sé tölvusérfræðingur sem vilji þó ekki láta nafns síns getið. Hann hafi komist í kynni við alþjóðlegan barnaklámshring fyrir Málið og segir ógnvænlegt hversu umfangsmikla starfsemi var að finna.

„Sumir kannast við Wikipediu, og þetta heitir sem sagt Hidden Wiki. Þarna er listi yfir hundruð síða sem geyma barnaklám, flokkaðar niður og hvatt til þess að menn búi til eigin síður. Og það eru íslenskar stelpur á þessum síðum og það eru íslenskir notendur.“

Tölvusérfræðingurinn segir ljóst að Íslendingar bæði hali niður barnaklámi af síðunum og setji inn síður af íslenskum stelpum, jafnvel niður í 12-13 ára. Hann segir að oft fylgi fullt nafn með myndunum.

Tengdar fréttir

Brot gegn börnum

Kynferðisbrot talin mesta vandamálið

• Leita að húsnæði fyrir Barnahús
• Barnahús verður stækkað
• Bíða enn eftir stækkun Barnahúss
• Tvö börn koma á dag til Barnahúss

» Fleiri tengdar fréttir

• 1 blogg um fréttina

Bloggað um fréttina

• Pálmi Freyr Óskarsson: Hver ætli slóðin sé........