Árni Þór Sigurðsson, formaður utanríkismálanefndar Alþingis, óskaði í nýliðinni viku eftir greinargerðum frá innanríkisráðuneyti og utanríkisráðuneyti um mál bandarískra lögreglumanna frá FBI. Þeir komu hingað til lands í ágúst 2011.

Innanríkisráðherra kom í veg fyrir samstarf Íslendinga við þá. Í umfjöllun um mál þetta í Morgunblaðinu í dag kveðst Árni Þór vonast eftir svari áður en langt um liði. Þá gæti verið tilefni til að taka málið upp í nefndinni.

„Ég skrifaði bæði utanríkisráðherra og innanríkisráðherra bréf og óskaði eftir skriflegri greinargerð frá þeim til nefndarinnar um þá þætti málsins sem lúta að samskiptunum við Bandaríkin í þessu efni. Ég vona að svarið komi fljótlega og þá munum við taka það til umfjöllunar í nefndinni,“ sagði Árni Þór.

Tengdar fréttir

FBI á Íslandi

Siggi hakkari á lúxushótelum

• „Siggi hakkari“ á launaskrá FBI
• „Þetta er mál sem má ekki sofna“
• „Ekkert nýtt í sjálfu sér“
• Opinber rannsókn á FBI-máli kemur til greina

» Fleiri tengdar fréttir