Staðan í Evrópumálunum breyttist um helgina með því að fulltrúar landsfunda Sjálfstæðisflokksins og Vinstri grænna samþykktu ályktanir sem ganga í ólíkar áttir.

Samþykkt var á landsfundi Sjálfstæðisflokksins 2011 að gera skyldi hlé á viðræðunum við ESB og ekki hefja þær á ný nema að undangenginni þjóðaratkvæðagreiðslu. Gengið var lengra í ályktun sem samþykkt var um helgina en þar segir að viðræðunum skuli hætt og þær ekki hafnar á ný nema meirihluti þjóðarinnar hafi samþykkt það.

Á landsfundi Vinstri grænna studdi Katrín Jakobsdóttir, sem kjörin var formaður á fundinum, tillögu um að leitað skyldi álits hjá þjóðinni um hvort viðræðum við ESB skyldi fram haldið. Var tillagan felld en önnur tillaga samþykkt um að ljúka viðræðum en þó innan tímaramma.

Sjá nánar ítarlega umfjöllun um báða landsfundina í Morgunblaðinu í dag.

Tengdar fréttir

Landsfundur Sjálfstæðisflokksins 2013

Landsfundurinn sterkasta vopnið

• 100 landsfundargestir lögðu ólöglega
• Skammast sín ekki fyrir trúarumræður
• „Meira en ég hefði þorað að vona“
• „Við sjáumst í baráttunni“

» Fleiri tengdar fréttir