„Það er ekki stætt úti,“ segir Haraldur Hlöðversson, lögregluþjónn í Vestmannaeyjum. Meðalvindur á Stórhöfða fór upp fyrir 40 m/sek í morgun. Járnplötur hafa verið að losna á þökum og bílar hafa fokið til á götum.

„Við höfum fengið nokkrar tilkynningar um lausar járnplötur. Við reiknum allt eins með að við eigum eftir að fá fleiri tilkynningar þegar líður á daginn. Það eru bílar að fjúka til og hver utan í annan. Það má því segja að það sé ekki hundi út sigandi. Eina vitið er að halda sig innandyra,“ segir Haraldur.

Haraldur segist ekki hafa frétt af neinum óhöppum á fólki, en ljóst sé að eignatjón hafi orðið í óveðrinu.

Allt skólahald í Vestmannaeyjum hefur verið fellt niður, bæði í grunnskólum og í framhaldsskólanum.

Haraldur segir að lítil snjókoma hafi verið í Vestmannaeyjum og því sé lítill skafrenningur. Vandamálið sé hins vegar vindurinn, en gríðarlega hvasst sé í Eyjum.

Tengdar fréttir

Mývatnssveit - virkjunarframkvæmdir

Ekki ætlunin að tefla Mývatni í hættu

• Meirihluti á móti frekari álverum
• Mývatn á rauða listann
• Spyrja um mengunarhættu Mývatns
• Landvernd vill að lært verði af Lagarfljóti

» Fleiri tengdar fréttir

Óveður í marsbyrjun

Óveðrið kostaði 15 milljónir

• Tjón skiptir hundruðum milljóna
• Kortleggja á vandann hjá bændum
• Brjálæðisleg þjónustulund verðlaunuð
• Fara yfir aðgerðir og fínstilla skipulag

» Fleiri tengdar fréttir

• Blogga um frétt