Í Vestmannaeyjum leika veðuröfl enn lausum hala. Enn bætir í vind, er hann um 30-40 metrar á sekúndu og hefur mest farið í 43 metra í verstu hviðunum.

Herjólfur felldi niður sína þriðju ferð í morgun og óvíst með síðari ferð dagsins uppúr hádegi. Þá liggur allt skólahald niðri annan daginn í röð.

Ekki er hægt að komast á sjó og því öll skip í höfn. Mjólk er óðum að seljast upp og sömuleiðis gengur hratt á aðrar mjólkurvörur.

Ingimar Georgsson, eigandi matvöruverslunarinnar Vöruvals í Vestmannaeyjum segir  bót í máli að ófærðin hafi komið upp í miðri viku en ekki við upphaf hennar, það hafi alltént verið tillitssamt. Enn sé því til forði nauðsynja frá mánu- og þriðjudegi.

Tengdar fréttir

Óveður í marsbyrjun

Óveðrið kostaði 15 milljónir

• Tjón skiptir hundruðum milljóna
• Kortleggja á vandann hjá bændum
• Brjálæðisleg þjónustulund verðlaunuð
• Fara yfir aðgerðir og fínstilla skipulag

» Fleiri tengdar fréttir

• Blogga um frétt