Innlent | mbl | 7.3.2013 | 10:06

Óveður í Öræfum og undir Eyjafjöllum

mbl.is/Einar Falur Ingólfsson

Spáð er austanstormi sunnanlands, hviður verða allt að 30-40 m/s undir Hafnarfjalli fram eftir morgni og meira og minna hviðuveður í allan dag undir Eyjafjöllum, Mýrdal og í Öræfasveit. Ýmist þar sandfok eða hríðarbylur með takmörkuðu skyggni.

Þá er útlit fyrir ofanhríð á fjallvegum á Snæfellsnesi og á Vestfjörðum, einkum sunnantil. Skafrenningur verður víða um norðanvert landið í dag en úrkomulítið. Á Hellisheiði og Mosfellsheiði verður snjókoma og blint með köflum í mest allan dag, samkvæmt upplýsingum frá veðurfræðingi Vegagerðarinnar.

Það eru hálkublettir á Hellisheiði og Sandskeiði. Hálkublettir og éljagangur er á Mosfellsheiði og á Gjábakkavegi.

Á Vesturlandi er snjóþekja á Bröttubrekku. Hálka er á Vatnaleið og á norðanverðu Snæfellsnesi. Þæfingsfærð er fyrir nesið. Þæfingsfærð og skafrenningur er á Fróðárheiði. Hálkublettir eru á Holtavörðuheiði.

Á Vestfjörðum eru flest allir vegir ófærir en mokstur hafin. Snjóþekja er á Gemlufallsheiði en snjóþekja eða hálka á öðrum leiðum í kringum Ísafjörð. Snjóþekja er á Hálfdáni og á Mikladal. Snjóþekja og skafrenningur er á Steingrímsfjarðarheiði og á Þröskuldum. Snjóþekja er á Innstrandarvegi.

Á Norðurlandi vestra eru hálkublettir og skafrenningur á flestum leiðum á láglendi. Hálka er á Þverárfjalli og hálka og skafrenningur frá Hofsós að Ketilás. Þæfingsfærð og skafrenningur er á Siglufjarðarvegi og á Öxnadalsheiði.

Á Norðurlandi eystra er snjóþekja og skafrenningur í Eyjarfirði og í kringum Akureyri. Hálka og skafrenningur er á Grenivíkurvegi. Snjóþekja og skafrenningur er á Víkurskarði en þæfingsfærð í Ljósavatnsskarði. Hálka eða snjóþekja og éljagangur er á flestum öðrum leiðum og verið að hreinsa.

Á Austurlandi er þæfingsfærð á Háreksstaðarleið en þungfært og skafrenningur á Fjarðarheiði. Ófært er á Vatnsskarði eystra. Snjóþekja er á Jökuldal og hálka og skafrenningur á Fagradal. Hálka og snjókoma á Oddsarði. Hálkublettir er með ströndinni frá Reyðarfirði að Djúpavogi en hálka eftir það að Höfn.Snjóþekja er frá Höfn að Kvískerjum en auður vegur að Kirkjubæjarkalaustri. Óveður er í Öræfum.

Á Suðurlandi eru flestar leiðir greiðfærar þó er þæfingsfærð og stórhríð á Reynisfjalli og á Mýrdalssandi. Óveður er undir Eyjafjöllum.