Vélsleðamaður slasaðist

Björgunarsveitin Súlur á Akureyri er á leiðinni í Bíldsárskarð á Vaðlaheiði vegna vélsleðamanns sem slasaðist fyrr í dag. Tildrög slyssins liggja ekki fyrir á þessari stundu en maðurinn er talinn vera rifbeinsbrotinn og með áverka á baki.

Björgunarsveitamenn á sleðum og fjórhjólum en einnig var snjóbíll sendur af stað með lækni og bráðaliða.

Ætla má að það taki um þrjár klukkustundir að koma hinum slasaða til byggða.

• Blogga um frétt