Aðalmeðferð í máli Karls Vignis Þorsteinsonar, sem er grunaður um fjölmörg kynferðisbrot, hófst í Héraðsdómi Reykjavikur í morgun. Karl Vignir situr gæsluvarðhaldi til 1. maí nk. Um lokað þinghald er að ræða, samkvæmt upplýsingum frá héraðsdómi.

Samkvæmt upplýsingum frá ríkissaksóknara tók Karl Vignir sér frest til að taka afstöðu til ákærunnar.

Samkvæmt heimildum mbl.is er  Karl Vignir ákærður fyrir brot gegn fjórum fullorðnum einstaklingum.

Karl Vignir hefur játað að hafa níðst á fjölda barna um áratugaskeið. Hann var handtekinn eftir umfjöllun Kastljóssins í janúar og í kjölfarið kom fram fjöldi nýrra kæra gegn honum, þar á meðal sumar vegna kynferðisbrota sem ekki eru fyrnd.

Tengdar fréttir

Karl Vignir Þorsteinsson og kynferðisbrot hans

19 kynferðisbrot á höfuðborgarsvæðinu

• Dómur staðfestur yfir Karli Vigni
• Karl Vignir ákærður
• Rannsókn á máli Karls Vignis lokið
• Tilkynnt um 42 brot gegn börnum

» Fleiri tengdar fréttir

• Blogga um frétt