Árni Páll Árnason formaður Samfylkingarinnar segir formenn stjórnarandstöðuflokkanna engar upplýsingar hafa fengið hvað standi til að gera á sumarþingi eða hvenær það verði sett. Hins vegar hafi þingmenn fengið sendan matseðilinn úr þingmötuneytinu og þar komi fram að þing verði sett á fimmtudag.

„Við formenn stjórnarandstöðuflokkanna óskuðum fundar með formönnum stjórnarflokkanna fyrir tveimur vikum,“ skrifar Árni Páll á Facebook-síðu sína.

 „Formlega var sú beiðni ítrekuð fyrir rúmri viku og margítrekuð alla síðustu viku. Engin svör frá forsætisráðherra. Við höfum ekkert heyrt um hvað til standi að gera á sumarþingi eða hvenær það verði sett. Eftir er líka að finna út hvað býr í loforðum nýrrar ríkisstjórnar um aukið samráð við stjórnarandstöðu. 

Við þingmenn fengum hins vegar sendan matseðilinn í þingmötuneytinu í gærkvöldi fyrir þessa viku. Þar kemur fram að þing verði sett á fimmtudag. Það er skrítinn framgangsmáti að ný ríkisstjórnarforysta kjósi að boða þingsetningu í matseðli þingsins, frekar en að tala við stjórnarandstöðuna.“

Tengdar fréttir

Ríkisstjórn Framsóknar- og Sjálfstæðisflokks

36,4% styðja ríkisstjórnina

• 36,3% styður ríkisstjórnina
• Sigmundur: Rangt að hækka vsk á matvæli
• Jákvæð áhrif á kaupmátt og verðlag
• Sigmundur flytur stefnuræðu í kvöld

» Fleiri tengdar fréttir

• 3 blogg um fréttina

Bloggað um fréttina

• Guðmundur Ásgeirsson: Merki um bjarta framtíð
• Gunnar Heiðarsson: Er Árni einatt út á þekju ?
• Sigurður Jónsson: Vilja ekki súpu og brauð