Reykjavík hefur orðið glaðlegri með hverjum deginum þessa vikuna, en hápunktinum verður náð með sjálfri Gleðigöngunni á morgun. Einhverjir vegfarendur hafa þó eflaust glaðst fyrirfram í dag á gangbrautum í miðborginni þar sem hvítur hefur vikið fyrir öllum litum regnbogans.

Á gatnamótum Hverfisgötu og Lækjargötu tók þessi litríka gangbraut á sig mynd í dag. Það er viðeigandi því sjálfri Gleðigöngunni lýkur einmitt þarna við Arnarhól á morgun og tekur þá við mikil hátíðardagskrá.

Gangan leggur af stað kl. 14:00 frá BSÍ og um Sóleyjargötu og Lækjargötu að Arnarhól. Búist er við miklum mannfjölda og verða götur lokaðar í nágrenni leiðarinnar og hátíðasvæðisins. Dagskráin á Arnarhóli stendur til 17:30.

Reykjavíkurborg er í regnbogalitunum þessa dagana.

Tengdar fréttir

Hinsegin dagar 2013

Gleðigangan 2013 í myndum

• Reykjavík að springa úr gleði
• Miðborgin full af fólki
• Afbökum þá sem ekki þora að tala
• Foxy Ladies draggdrottingar Íslands

» Fleiri tengdar fréttir

• Blogga um frétt