Ráðherra fundaði með fulltrúum Huangs
Setja bókamerki
Hanna Birna Kristjánsdóttir innanríkisráðherra hefur átt fundi með fulltrúum kínverska auðkýfingsins Huang Nubo þar sem hún hefur útskýrt fyrir þeim að lög um fjárfestingu erlendra aðila þurfi að endurskoða í heild sinni. Þetta segir Gísli Freyr Valdórsson, aðstoðarmaður ráðherra, í samtali við Bloomberg.
Gísli Freyr tekur fram að endurskoðunin snúist ekki einvörðungu um málefni Huangs. Hann bætir við að endurskoðunin fari að öllum líkindum fram í vetur.
Halldór Jóhannsson, talsmaður Huangs, segir í samtali við Bloomberg, að Huang sé tilbúinn að fjárfesta á Íslandi en enn sé beðið eftir grænu ljósi frá íslenskum stjóvöldum.
Líkt og fram hefur komið þá vill Huang reisa hótel á Grímsstöðum á Fjöllum. Þá hefur sömuleiðis komið til greina að hann kaupi hótel á höfuðborgarsvæðinu.
Halldór kveðst bjartsýnn á að núverandi stjórnvöld muni veita leyfi fyrir leigusamningi.
Hann bætir því við að skipulags- og hönnunarvina við að skipta landinu upp á Grímsstöðum á Fjöllum geti tekið nokkur ár. Þá segist hann vera bjartsýnn á að önnur verkefni sem hafi verið rætt um geti farið í gang í kjölfar Grímsstaðaverkefnisins.
Víðir gerir upp mistök frá covid-tímanum
Ný könnun: Sjálfstæðisflokkur dalar enn
Taka þarf ákvarðanir um framtíð Grindavíkurbæjar
Kílómetragjald: „Mikilvægt að málið verði klárað fyrir þinglok“
„Ég er bara vongóður“
„Tómthússkattur“ bitnar einnig á landsbyggðarfólki
Ábendingar borist vegna leikskóla