Spáð er norðanhríð á föstudaginn með slyddu eða snjókomu um norðanvert landið. Að sögn Hrafns Guðmundssonar, veðurfræðings á Veðurstofu, koma lægðir á færibandi næstu daga og er ekkert nema úrkomu að sjá í kortunum fram yfir helgi.

Mjög vætusamt hefur verið á landinu síðustu daga og segir Hrafn ekkert lát á rigningunni. Lægðirnar komi „á færibandi, eins langt og við sjáum“. Hann segir að þegar líður á vikuna kólni í veðri.

„Við erum að spá slæmu veðri á föstudaginn. Þetta er norðanhret,“ segir Hrafn. Hann segir að veðrinu fylgi slydda eða snjókoma í fjöllum.

Þegar lægðir streyma til landsins á haustin er minni hætta á næturfrosti. Hrafn segir að það geti orðið næturfrost milli lægða, t.d. um helgina. Það sé spáð frosti í innsveitum norðanlands á laugardag.

Nánar á veðurvef mbl.is

Tengdar fréttir

Óveðri er spáð um helgina

Verkefnum björgunarsveita lokið

• Björgunarsveitir kallaðar út
• Rifnaði upp með rótum í miðborginni
• Réttað í grenjandi rigningu
• Varað við fjúkandi munum

» Fleiri tengdar fréttir

• Blogga um frétt