Verið er að smala víða á norðan- og vestanverðu landinu og eru vegfarendur beðnir um að aka varlega og sýna tillitssemi þar sem verið er að reka fé. Fjárrekstur verður á Holtavörðuheiði og í Norðurárdal í dag og þar má því búast við miklu fé í nánd við vegi.

Enn spáir Veðurstofan vonskuveðri á landinu og má búast við hvassviðri eða stormi um landið vestanvert, á Vestfjörðum, Ströndum og Norðurlandi vestra seinni partinn á morgun. Þar er einnig búist við talsverðri eða mikilli úrkomu, rigningu á láglendi, en snjókomu í meira en 200-300 metra hæð yfir sjó norðvestan til.
 
Í tilkynningu frá Almannavörnum segir að búast megi við mikilli úrkomu, slyddu og snjókomu á heiðum og vegum allt frá Snæfellsnesi, Vestfjörðum og um Norðurland og getur færð á vegum spillst af þeim sökum.

Síðar í dag munu línur skýrast enn frekar, þegar ný spá verður gerð fyrir föstudag og laugardag.
 

Tengdar fréttir

Óveðri er spáð um helgina

Verkefnum björgunarsveita lokið

• Björgunarsveitir kallaðar út
• Rifnaði upp með rótum í miðborginni
• Réttað í grenjandi rigningu
• Varað við fjúkandi munum

» Fleiri tengdar fréttir

• Blogga um frétt