Tré rifnaði upp með rótum í miðborginni
Setja bókamerki
Tré rifnaði upp með rótum á mörkum Lækjargötu og Fríkirkjuvegar nú fyrir stundu. Lögregla lokaði Fríkirkjuvegi til suðurs á meðan starfsmenn Reykjavíkurborgar söguðu tréð og fjarlægðu það.
Í viðvörun frá Veðurstofu Íslands er gert ráð fyrir miklu hvassviðri eða stormi vestan til á landinu þegar líður á daginn. Einnig eru horfur á roki allra nyrst í nótt. Þá má gera ráð fyrir mikilli úrkomu á NV-landi og Tröllaskaga í kvöld og nótt, rigningu á láglendi en snjókomu ofan 150-250 metra yfir sjó.
Búast má við mjög snörpum vindhviðum (35 til 40 m/s) sunnan- og vestanlands í kvöld, en á austanverðu landinu á morgun, samkvæmt viðvörun sem Veðurstofan hefur gefið út.
Spáð er ófærð með snjókomu á vegum þegar komið er í 150–250 metra yfir sjó, sérstaklega um landið vestan- og norðanvert. Vegfarendur og ferðalangar eru hvattir til að kynna sér upplýsingar um veður og færð áður en lagt er af stað í ferðalög.
Alvarleg netárás á Wise
Skattamál verði líklega „þeirra mesta klemma“
Fyrsti blaðamannafundurinn í heild sinni
Hrikalegt að heyra fréttirnar
„Börn heima sem maður myndi vilja hafa í skjóli“
Þetta eru ráðherrar ríkisstjórnarinnar
Lát hjóna í Neskaupstað: Ákæra gefin út
Samfylking og Viðreisn gáfu loforð
