Ríkiskaup, fyrir hönd fjármála- og efnahagsráðuneytisins óska eftir að kaupa eða taka á leigu rúmlega 400 m² sérbýlishús (einbýlis-, par- eða raðhús), eða sambærilegt húsnæði undir starfsemi Barnahúss. Þetta kemur fram á vef Ríkiskaupa.

Leitað er að húsnæði á höfuðborgarsvæðinu í rólegu og hlýlegu umhverfi. Möguleiki þarf að vera á 10 - 15 bílastæðum (þar af 1 stæði fyrir fatlaða), ýmist á lóð hússins, og/eða á almennum bílastæðum í næsta nágrenni. Nauðsynlegt er að almenningssamgöngur séu góðar í grennd við húsnæðið. Æskilegur afhendingartími frá undirritun samninga er um 2 mánuðir.

Núverandi starfsemi Barnahúss er í um 254 m² einbýlishúsi (þar af 40 m² geymslukjallari) að Sólheimum 17 í Reykjavík. Heimilt er tilboðsgjöfum að miða tilboð við að það húsnæði verði tekið upp í hluta af greiðslu kaupverðs/leiguverðs. Þetta er þó ekki skilyrði af hálfu ríkisins.

Sjá nánar hér

Tengdar fréttir

Brot gegn börnum

Kynferðisbrot talin mesta vandamálið

• Barnahús verður stækkað
• Bíða enn eftir stækkun Barnahúss
• Tvö börn koma á dag til Barnahúss
• Leita síður inn í opinbera kerfið

» Fleiri tengdar fréttir

• Blogga um frétt