Fjölmargir lögðu leið sína í fjöruna við Rif á Snæfellsnesi og Bug skammt frá Ólafsvík í gær, þar sem tugir grindhvala strönduðu síðdegis á laugardag, og virtu dýrin fyrir sér.

Margir sáu sér leik á borði og náðu sér í kjöt af hvölunum en hvalskurðurinn hófst þegar í stað á laugardagskvöldið eftir að hvalina hafði rekið upp á fjörur. Samkvæmt heimildum Morgunblaðsins sýndu fisksalar á höfuðborgarsvæðinu kjötinu strax áhuga í gær. Einhverjir heimamanna brugðust við beiðninni og átti að senda grindhvalakjötið suður.

Að sögn Floru-Josephine Hagen Liste, héraðsdýralæknis í Vesturumdæmi, gerir Matvælastofnun ekki athugasemd við að almenningur nýti kjötið af hvölunum, svo framarlega sem það sé aðeins nýtt til einkanota en ekki til sölu eða fóðurs fyrir dýr sem gefa af sér afurðir.

Tengdar fréttir

Grindhvalavaða á Snæfellsnesi

Kæra ekki vegna aflífunar

• Grindhvalurinn gæti verið mengaður
• Hvalshræin að öllum líkindum urðuð
• Verklagsreglum ekki fylgt
• Ræðismaður náði sér í hvalkjöt

» Fleiri tengdar fréttir