Margir andvígir ókeypis lóðum til trúfélaga

Flestir þeirra sem tóku afstöðu voru andvígir því að trúfélög fái úthlutaðar ókeypis lóðir til að byggja trúarbyggingar hjá sveitarfélögum. Af þeim sem tóku afstöðu sögðust 45,5% vera mjög andvíg því að trúfélög fái úthlutaðar ókeypis lóðir og 25,8% sögðust vera frekar andvíg, 7,2% sögðust vera fylgjandi og 2,8% sögðust vera mjög fylgjandi því að trúfélög fái úthlutaðar ókeypis lóðir til að byggja trúarbyggingar hjá sveitarfélögum.

MMR kannaði á dögunum viðhorf Íslendinga til lóðaúthlutunar til trúfélaga. Hlutfall mjög andvígra var hæst á meðal þeirra sem sögðust styðja Sjálfstæðisflokkinn en lægst á meðal þeirra sem sögðust styðja Vinstri-græn. Af þeim sem tóku afstöðu og sögðust styðja Sjálfstæðisflokkinn sögðust 54,0% vera mjög andvíg því að trúfélögum væri úthlutað ókeypis lóðum til að byggja trúarbyggingar hjá sveitarfélögum, borið saman við 33,4% þeirra sem sögðust styðja Vinstri-græn.

Hlutfall þeirra sem voru fylgjandi var hæst hjá þeim sem sögðust styðja Samfylkinguna, Vinstri-græn og Bjarta framtíð en lægst hjá þeim sem sögðust styðja Sjálfstæðisflokkinn. Af þeim sem tóku afstöðu sögðust 16,6% þeirra sem sögðust styðja Samfylkinguna vera mjög eða frekar fylgjandi því að trúfélög fái úthlutaðar ókeypis lóðir til að byggja trúarbyggingar hjá sveitarfélögum, borið saman við 15,8% þeirra sem sögðust styðja Vinstri-græn, 13,8% þeirra sem sögðust styðja Bjarta framtíð og 5,4% þeirra sem sögðust styðja Sjálfstæðisflokkinn.

• 1 blogg um fréttina

Bloggað um fréttina

• Kristin stjórnmálasamtök: Moskubygging truflar Íslendinga í velvilja gagnvart trúfélögum