Ár er í dag liðið frá því að tvær íslenskar stúlkur voru handteknar á Vaclav Havel-flugvellinum í Prag höfuðborg Tékklands en í fórum þeirra fannst mikið magn kókaíns. Samkvæmt heimildum mbl.is hefur ákæra verið gefin út en aðeins á tékknesku og á eftir að þýða hana og birta stúlkunum. Það verður væntanlega gert strax eftir helgi.

Stúlkurnar sem eru nítján ára flugu til Prag frá Sao Paulo í Brasilíu með millilendingu í München í Þýskalandi. Kókaínið var vandlega falið inni í fóðri töskunnar og kom fram í fyrstu fréttum að handtakan væri afrakstur samvinnu tékkneskra og þýskra yfirvalda.

Reiknað var með því að ákæra yrði gefin út í málinu í febrúar síðastliðnum en sökum þess að nýr saksóknari var skipaður hefur það tafist mikið.

Tengdar fréttir

Dæmdar fyrir kókaínsmygl í Tékklandi

Stúlkurnar komnar til Íslands

• Hafa ekki tekið afstöðu til framsals
• Formlega sótt um framsal
• Framsalsferlið sjálft ekki hafið
• Milduðu dóminn

» Fleiri tengdar fréttir

• Blogga um frétt