Árangur af sprengingu hvellhetta í þeim tilgangi að reka í burtu síldartorfur, sem eru innan brúar í Kolgrafafirði, gáfu góð fyrirheit, þó að endanlegt markmið hafi ekki náðst um að reka síldina úr firðinum.

Svo segir Sigurður Ásgrímsson, yfirmaður séraðgerða og sprengjusviðs Landhelgisgæslunnar, sem hafði yfirumsjón með sprengingunum.

Fram kom í mælingum Hafrannsóknastofnunar í gær að um 70 þúsund síldartonn eru í Kolgrafafirði en markmiðið með sprengingunum er að fæla síldina úr firðinum til þess að koma í veg fyrir að síldardauðinn frá því í fyrravetur endurtaki sig.

Aðgerðirnar byrjuðu um klukkan þrjú í gærdag og stóðu yfir til myrkurs, um klukkan fimm síðdegis. Sigurður segir að tilraunin verði endurtekin í dag. „Þetta þótti takast mjög vel og við lærðum heilmikið á þessu,“ segir Sigurður í umfjöllun um mál þetta í Morgunblaðinu í dag.

Tengdar fréttir

Síld í Kolgrafafirði

„Síldin var of sein að koma sér út“

• Súrefnið mælt í Kolgrafafirði
• Breyting á lífríkinu undir dauðu síldinni
• Koma mælum fyrir í Kolgrafafirði
• Raunhæfast að vakta fjörðinn áfram

» Fleiri tengdar fréttir