Jón Sigurðsson, stjórnarformaður Eirar, segir margt óljóst í tilboði sem gert var í eignir hjúkrunarheimilisins Eirar. Stjórnin hafi metið það svo að hagsmunir íbúa yrðu ekki tryggari eða öruggari en nú er og því hafi tilboðinu verið hafnað.

Á stofnfundi Hagsmunafélags íbúðaréttarhafa á Eir í gærkvöldi var upplýst að tilboð hefði borist í eignir Eirar. Tilboðið hefði verið með ýmsum fyrirvörum, en það hefði m.a. falið í sér að viðkomandi ætlaði að standa við allar skuldbindingar félagsins, þar á meðal gagnvart íbúðaréttarhöfum.

„Tilboðsaðilinn  óskaði eftir því að trúnaðar yrði gætt um tilboðið, þannig að hann verður að skýra frá innihaldi þess í einstökum atriðum.

Stjórnin fór rækilega yfir drög að yfirtökutilboði og komst að þeirri niðurstöðu að hagsmunir íbúa á hjúkrunarheimilinu eða hagsmunir íbúðaréttarhafanna yrðu ekki tryggari eða öruggari en nú er,“ sagði Jón þegar hann var spurður hvers vegna tilboðinu hefði verið hafnað.

Jón Sigurðsson, stjórnarformaður Eirar. mbl.is/Árni Sæberg

Tengdar fréttir

Rekstrarvandi hjúkrunarheimilisins Eirar

Uppsagnir á Eir

• Veðskuldabréf ekki afmáð úr þinglýsingarbók
• Samkomulag í sjónmáli
• Kröfuhafar samþykktu nauðasamninga
• Vill rannsaka afmarkaða þætti í rekstri Eirar

» Fleiri tengdar fréttir

• Blogga um frétt