Fjárlaganefnd hefur nú farið yfir fjárlagafrumvarp fyrir næsta ár og hefur málið verið afgreitt úr nefndinni. Þetta staðfesti Vigdís Hauksdóttir, formaður fjárlaganefndar, á kvöldfundi Alþingis sem nú stendur yfir.

Nokkrir þingmenn stjórnarandstöðunnar hafa mótmælt þessu við aðra umræðu um fjáraukalög þessa árs í kvöld. Sagði Svandís Svavarsdóttir, þingkona Vinstri grænna, meðal annars að þetta gengi í berhögg við þingskaparlög, að málið hefði verið afgreitt án nefndarálits.

Að sögn Vigdísar var fjárlagafrumvarpið unnið í mikilli sátt og þar væru margar breytingatillögur til hagsbóta fyrir land og þjóð. Hún sagðist þó taka fram að nú væru fjáraukalög á dagskrá, ekki fjárlög, og krafðist hún þess að forseti Alþingis úrskurðaði um það hvort fjárlaganefnd hafi í raun brotið þingskapalög.

Katrín Júlíusdóttir og Helgi Hjörvar, þingmenn Samfylkingarinnar, sögðust líta svo á að málið væri enn í fjárlaganefnd, þar sem ekki hafi verið gefið út nefndarálit.

Fundi Alþingis hefur nú verið frestað til klukkan 21.10.

Tengdar fréttir

Fjárlögin 2014

Betri afkoma en gert var ráð fyrir

• Fékk 3560 skilaboð
• „Skammaðist þingmaðurinn sín þá?“
• Óljóst hvenær umræðum um fjárlög lýkur
• Ekki frekari niðurskurður hjá RÚV

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Vigdís að fara í taugarnar á Vinstra - Liðinu