Gunnar Ingi hættir í bæjarstjórn

Gunnar Ingi Birgisson, fyrrverandi bæjarstjóri í Kópavogi, gefur ekki kost á sér í prófkjöri Sjálfstæðisflokksins í Kópavogi. Framboðsfrestur rann út í dag og hafa 18 tilkynnt framboð.

Gunnar Ingi hefur verið í forystu sjálfstæðismanna í Kópavogi frá árinu 1990. Hann var lengst af formaður bæjarráðs Kópavogs og um tíma bæjarstjóri. Hann var alþingismaður á árunum 1999 til 2005.

Prófkjörið verður haldið  8. febrúar nk. Þeir átján sem gefa kost á sér í prófkjörinu eru:

1. Aðalsteinn Jónsson
2. Andri Steinn Hilmarsson
3. Anný Berglind Thorstensen
4. Ármann Kr. Ólafsson
5. Ása Inga Þorsteinsdóttir
6. Áslaug Telma Einarsdóttir
7. Guðmundur Gísli Geirdal
8. Gunnlaugur Snær Ólafsson
9. Hjördís Ýr Johnson
10. Jóhann Ísberg
11. Jón Finnbogason
12. Karen Elísabet Halldórsdóttir
13. Kjartan Sigurgeirsson
14. Lárus Axel Sigurjónsson
15. Margrét Björnsdóttir
16. Margrét Friðriksdóttir, 
17. Sigurður Sigurbjörnsson
18. Þóra Margrét Þórarinsdóttir.

Sjálfstæðisflokkurinn fékk fjóra menn kjörna í síðustu bæjarstjórnarkosningum. Allir núverandi bæjarfulltrúar gefa kost á sér aftur nema Gunnar Ingi.

• 1 blogg um fréttina

Bloggað um fréttina

• Óðinn Þórisson: Þeir gerðu Kópavog að því sem hann er í dag