Hreppsnefnd Ásahrepps samþykkti fyrir sitt leyti á fundi í gær breytingartillögu Sigurðar Inga Jóhannssonar, umhverfisráðherra, á mörkum stækkaðs friðlands í Þjórsárverum og staðfesti um leið friðlýsingarskilmálana með skilyrðum.

Skilyrðin eru að hnitaskrá verði leiðrétt og færð til samræmis við kortauppdrátt um stækkun friðlands í Þjórsárverum laga þurfi hnitaskrána að kortinu. Þá skuli liggja fyrir „tímasett, bindandi og undirritað samkomulag milli sveitarfélaganna og ríkisvaldsins, um fjárframlög sem tryggja uppbyggingu og rekstur upplýsingamiðstöðva á svæðinu auk landvörslu eins og tiltekið er í friðlýsingarskilmálum.“

Þá segir í fundargerð að í ljósi umfjöllunar fjölmiðla að undanförnu vilji hreppsnefnd Ásahrepps benda á að hvorug stækkunartillagan sem til umfjöllunar hafi verið á árinu 2013 hefði komið í veg fyrir mögulegar veituframkvæmdir neðan Þjórsárvera eða mat á þeim.

Tengdar fréttir

Friðlýsing Þjórsárvera

„Ekki vaða áfram yfir einn aðila“

• Hafa ekki lesið bók Össurar
• Átta kostir fari í nýtingarflokk
• Hvammsvirkjun í orkunýtingarflokk
• Útiloka ekki að leita til dómstóla

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Fjósamaður og eftirrökunarkona koma með eftirááætlun fyrir Íslendinga.