Laust eftir niðnætti í nótt var lögreglunni á höfuðborgarsvæðinu tilkynnt um slys sem varð með þeim hætti að ungur, ölvaður maður, sem var farþegi í bifreið, opnaði bíldyrnar á meðan bifreiðin var á ferð. Hurðin fór utan í umferðarmerki og kastaðist til baka og í andlit unga mannsins. Hann rotaðist við höggið.
Pilturinn, sem er sautján ára gamall, var með skurð í andliti og var hann fluttur á slysadeild til aðhlynningar. Foreldri unga mannsins var kynnt málið.
Frétt mbl.is: Sparkaði í lögreglukonu
Frétt mbl.is: Vaknaði viðskotaillur hjá lögreglunni
Frétt mbl.is: Réðst á stúlku á bar