Engin „skýr rök“ eru fyrir sameiningu Íbúðalánasjóðs (ÍLS) við Landsbankann fremur en að bjóða einnig öðrum fjármálastofnunum starfsemi sjóðsins til sölu. Meðgjöf ríkissjóðs við slíka sameiningu, vegna yfirtöku á þeirri áhættu sem innbyggð er í rekstur ÍLS, gæti legið á bilinu 100-200 milljarðar króna.

Þetta kemur fram í skýrslu ráðgjafar- og greiningarfyrirtækisins Analytica sem var unnin að beiðni verkefnastjórnar um framtíðarskipan húsnæðismála og Morgunblaðið hefur undir höndum. Gert er ráð fyrir að hún skili tillögum sínum til ríkisstjórnarinnar í febrúar.

Í fréttaskýringu um mál þetta í Morgunblaðinu í dag kemur fram, að það er mat skýrsluhöfunda Analytica að út frá „hagfræðilegum og samkeppnislegum sjónarmiðum“ kynni sala á ÍLS eða lánasafni hans til hæstbjóðanda ennfremur að vera álitlegri kostur en sameining við Landsbankann. Samkvæmt þeirri sviðsmynd myndu fjármálafyrirtæki alfarið sjá um veitingu almennra íbúðalána og félagslegt hlutverk ríkisins yrði endurskilgreint.

Tengdar fréttir

Íbúðalánasjóður - rannsóknarskýrsla

Lánatapið að stöðvast

• Tekur undir orð Steinunnar
• ESA fagnar nýjum áherslum
• Gagnrýnin oft ósanngjörn og óvægin
• Vill skoða sameiningu Landsbankans og ÍLS

» Fleiri tengdar fréttir

Húsnæðismarkaðurinn

Nýtt fjölbýlishús byggt í Skeifunni

• Áætla að tíu þúsund íbúðir standi tómar á Íslandi
• Leiguverð spilar stærra hlutverk en áður
• Verulegur skortur á íbúðarhúsnæði blasi við
• Hátt í 600 nýjar íbúðir í Hafnarfirði

» Fleiri tengdar fréttir