Vilja fríverslunarviðræður við Japan
Setja bókamerki
Tillögu til þingsályktunar um að hafnar verði fríverslunarviðræður við Japan verður dreift á Alþingi síðar í dag. Þetta kom fram í ræðu sem Össur Skarphéðinsson, þingmaður Samfylkingarinnar og fyrrverandi utanríkisráðherra, greindi frá í umræðum á Alþingi í dag um skýrslu Gunnars Braga Sveinssonar, utanríkisráðherra, um utanríkis- og alþjóðamál.
Sagðist Össur standa að þeirri þingsályktunartillögu ásamt nokkrum öðrum þingmönnum. Benti hann á að Japan hefði opnað á gerð fríverslunarsamninga við önnur ríki á undanförnum árum. Mætti segja að hver fríverslunarsamningurinn hafi rekið annan sem Japanir hefðu gert. Þar á meðal við tvíhliða samning við Sviss. Sagðist hann hafa átt von á því að Gunnar Bragi léti það verða eitt af sínum fyrstu verkum að óska eftir slíkum viðræðum sem fyrri ríkisstjórn hefði ekki komist í að gera.
Einnig lagði Össur áherslu á mikilvægi þess að fyrirhuguð uppfærsla á fríverslunarsamningi Fríverslunarsamtaka Evrópu (EFTA), sem Ísland er aðili að, við Kanada færi fram.
Frétt mbl.is: Ræddu um fríverslun í Japan
Frétt mbl.is: Ræddu um jarðhita og fríverslun
Nágranninn fannst látinn við nærliggjandi skóla
Gera ráð fyrir 1,7 milljarða króna rekstrarafgangi
Útlit fyrir að hallinn verði 17 milljörðum meiri
Ágreiningur í VG um aðild að NATO
Þungbært að missa félaga
Fer fram á sex og hálfs ára fangelsi yfir Jóni Inga
Altjón eftir að kviknaði í út frá rafmagni