Óttast fordæmisgildi laganna
Setja bókamerki
/frimg/1/13/81/1138169.jpg)
Fundur á Alþingi hófst kl. 22:55 en honum hafði ítrekað verið frestað í kvöld. Eina málið á dagskrá er umræða um frumvarp um frestun verkfallsaðgerða á Herjólfi VE. Hanna Birna Kristjánsdóttir, innanríkisráðherra, mælti fyrir frumvarpinu í dag.
Unnur Brá Konráðsdóttir, þingmaður Sjálfstæðisflokssins, mælti fyrir nefndaráliti meirihluta umhverfis- og samgöngunefndar Alþingis og Árni Páll Árnason, þingmaður Samfylkingarinnar, mælti fyrir nefndaráliti minnihluta nefndarinnar.
Árni Páll sagðist ekki telja efnislegar forsendur til að fallast á samþykkt laganna. Sagðist hann óttast fordæmisgildi þeirra, benti á að aðrar kjaradeilur stæðu yfir og ákvörðunin hefði fordæmisgildi gagnvart þeim. Nefndi hann meðan annars verkfall framhaldsskólakennara og stjórnenda í framhaldsskólum og yfirvofandi verkfall starfsmanna Isavia.
Nokkrir komu fyrir nefndina í kvöld, þar á meðal Jónas Garðarsson, formaður Sjómannafélags Íslands, og Gylfi Arnbjörnsson, framkvæmdastjóri Alþýðusambands Íslands.
Fjórir eru á mælendaskrá.
„Við bara reynum að þrýsta þessu fram“
Halla hyggst tilkynna um umboð í dag
Fundar með Þorgerði og Ingu eftir hádegi
„Það vantar bara brjóstin og gleraugun á Loga“
Þungir dómar í Sólheimajökulsmáli
Evrópumál voru ekki til umræðu
