Fyrsti fundur fríverslunarviðræðna Fríverslunarsamtaka Evrópu (EFTA), sem Ísland er aðili að ásamt Noregi, Sviss og Liechtenstein, við Malasíu fór fram í síðustu viku í Genf í Sviss.

Fram kemur á vefsíðu EFTA að viðræðurnar á fundinum hafi verið opinskáar og gagnlegar. Farið hafi verið yfir flestar hliðar fyrirhugaðs fríverslunarsamnings. Bæði hafi verið lagðar fram tillögur að texta mögulegs samnings og sömuleiðis skipst á upplýsingum. Þá voru lögð drög að framhaldi viðræðnanna. Didier Chambovey, sendiherra hjá svissneska utanríkisráðuneytinu, fór fyrir fulltrúum EFTA á fundinum en Khoo Boo Seng, skrifstofustjóri hjá ráðuneyti alþjóðaviðskipta, fór fyrir sendinefnd Malasíu.

Viðskipti á milli aðildarríkja EFTA og Malasíu námu samtals 1,8 milljarði dollara árið 2012. Útflutningur til Malasíu nam 996 milljónum dollara og innflutningur frá landinu 867 milljónum.

Tengdar fréttir

Fríverslunarmál Íslands

Vill skipta utanríkismálanefnd upp

• Vilja fríverslunarsamning við ASEAN
• Kallaði eftir fríverslun við Japan
• Kalla eftir fríverslun við Japan
• Ágóðinn fari ekki í vasa kaupmanna

» Fleiri tengdar fréttir

• Blogga um frétt