Gunn­ar Þ. And­er­sen, fyrr­ver­andi for­stjóri Fjár­mála­eft­ir­lits­ins, var í Hæstarétti í dag dæmdur í tólf mánaða skilorðsbundið fangelsi fyr­ir að miðla trúnaðargögn­um um alþing­is­mann­inn Guðlaug Þór Þórðar­son til dag­blaðsins DV. Þá var Þórarinn Már Þor­björns­son, fyrr­ver­andi starfs­maður Lands­bank­ans, dæmdur til að greiða eina milljón króna í sekt vegna sama máls.

Rík­is­sak­sókn­ari gaf út ákæru á hend­ur Gunn­ari og Þór­arni sum­arið 2012. Þeir voru ákærðir fyr­ir brot á þagn­ar­skyldu með því að brjóta banka­leynd. Gunn­ar var tal­inn hafa nýtt sér aðstöðu sína til að ná í upp­lýs­ing­ar úr Lands­bank­an­um um fjár­mál Guðlaugs Þórs Þórðar­son­ar, þing­manns Sjálf­stæðis­flokks­ins, í gegn­um Þór­ar­in Má. Þeim gögn­um var komið til Ársæls Val­fells, lektors við Há­skóla Íslands, sem aft­ur kom þeim til DV sem birti frétt byggða á gögn­un­um.

Gunn­ar var sak­felld­ur fyr­ir al­var­legt trúnaðar­brot þegar hann gegndi stöðu for­stjóra Fjár­mála­eft­ir­lits­ins, sem hafi það hlut­verk að sjá til þess að fjár­mála­starf­semi í land­inu sé í sam­ræmi við lög og regl­ur.

Tengdar fréttir

Forstjóra FME sagt upp störfum

Trúnaðarbrot Gunnars í Hæstarétti

• Gunnar þarf að greiða sekt
• Framburður Guðlaugs Þórs ekki talinn hafa þýðingu
• Greinir á um Guðlaug Þór
• Vill að Guðlaugur Þór beri vitni

» Fleiri tengdar fréttir

• 2 blogg um fréttina

Bloggað um fréttina

• Haraldur Axel Jóhannesson: Endemis vitleysa er þetta.
• Jóhannes Ragnarsson: Þá brutust út ógurleg fagnaðarlæti