Sú ákvörðun stjórnenda Vísis hf. að loka starfsstöðvum fyrirtækisins á Þingeyri, Djúpavogi og Húsavík er þess eðlis að taka verður málið inn í myndina við endurskoðun laga um stjórn fiskveiða.

„Það er alveg ljóst að svona nokkuð verður að skoða í tengslum við lagabreytingar. Það gengur ekki að ráðstöfun fyrirtækis verði til þess að byggðarlag missi skyndilega aðgang sinn að lífsbjörginni, það er því sem íbúarnir hafa byggt allt sitt á,“ segir Sigmundur Davíð Gunnlaugsson forsætisráðherra, í Morgunblaðinu í dag.

Viðsjár eru á Húsavík vegna Vísismálsins. Verið er að loka fiskvinnslu fyrirtækisins í bænum, en með því missa 60 manns vinnuna. Fjörutíu úr þeim hópi ætla að fylgja fyrirtækinu og þiggja boð um vinnu í Grindavík þar sem öll starfsemi Vísis verður. Heimamenn reifuðu sín viðhorf við forsætisráðherra, sem var nyrðra í gær.

Tengdar fréttir

Vísir hf. flytur til Grindavíkur

Fá allar fasteignir Vísis endurgjaldslaust

• Höfða mál vegna Vísis
• Þingeyskir framsóknarmenn ósáttir við ráðherra
• Frestunin ákveðinn áfangasigur
• Vísir með vinnslu á Djúpavogi í eitt ár

» Fleiri tengdar fréttir