Leit að Ástu Stefánsdóttur hélt áfram í Bleiksárgljúfri í Fljótshlíð og nágrenni í gær. Hátt í 70 liðsmenn björgunarsveita Slysavarnafélagsins Landsbjargar voru við leitarstörf á vettvangi.

Guðbrandur Örn Arnarson, stjórnandi aðgerðarinnar, sagði að verkefni dagsins væru þríþætt. Það er að leita á stöðum þar sem Ásta hefði mögulega leitað skjóls. Einnig átti að leita betur í gilinu, aðallega í fossi sem er nálægt síðustu þekktu staðsetningu. Fínkemba átti barma Bleiksárgljúfurs og síga niður í gilið.

„Við erum með sérhæfða leitarmenn, rústabjörgunarfólk, verkfræðinga og aðra sem eru að byggja stíflu,“ sagði Guðbrandur. Ætlunin var að leggja stór rör frá stíflunni og beina um þúsund sekúndulítrum af vatni úr árfarveginum til að auðvelda leitina í gljúfrinu. Þetta var gríðarlega flókin framkvæmd tæknilega og erfið, segir Guðbrandur í umfjöllun um leitina í Morgunblaðinu í dag.

Tengdar fréttir

Leit í Fljótshlíð

Ástusjóður mun gefa fjóra dróna

• Andlát kvennanna var hörmulegt slys
• Andlát Ástu rannsakað sem slys
• Staðfest að líkið er af Ástu
• Kennslanefnd rannsakar líkið

» Fleiri tengdar fréttir