Brunarústir fjarlægðar í Skeifunni
Setja bókamerki
Stórvirk vinnutæki vinna við niðurrif á húsnæðinu sem áður hýsti verslun Griffils. Rannsókn tæknideildar á upptökum eldsvoðans í Skeifunni 11 fyrir viku er lokið. Hefur hverfastöð lögreglunnar við Grensásveg því tekið við vettvanginum.
Lúðvík Eiðsson, rannsóknarlögreglumaður í rannsókn tæknideildar á upptökum eldsvoðans, sagði fyrir helgi í samtali við Morgunblaðið að vinnuaðstæður rannsakenda hefðu verið allkrefjandi en m.a. var unnið undir lítt stöðugum bitum úr strengjasteypu. „Þetta er bæði erfiður og flókinn vettvangur. Til að finna hugsanleg eldsupptök þurftum við meðal annars að átta okkur á því hvernig eldurinn breiddist um rýmið,“ segir Lúðvík en rannsóknin gekk þó að sögn hans vel fyrir sig. Verður nú næstu daga fylgst með hreinsunarstarfi auk þess sem eftirlit verður haft með rústunum.
Þurfa að fjölga um 100 legurými
„Sá vegur er bæði háll og myrkur“
„Við höldum áfram þangað til við erum búin“
Í kappi við tímann að reyna að afstýra verkfalli
Viðtöl við oddvitana í Suðurkjördæmi
Rannsókn á menningarnæturmáli lokið
Vilja 20 ára dóm í frönsku nauðgunarmáli