Sólin sýnir sig á sunnudag
Setja bókamerki
„Það eru einhverjar líkur á því að hún geti sýnt sig á sunnudaginn en fram að því verður væta,“ segir Einar Sveinbjörnsson veðurfræðingur, aðspurður hvenær sólin láti sjá sig á höfuðborgarsvæðinu.
Hann segir að ekki hafi þó mikið rignt að undanförnu í magni talið þó að alltaf hafi verið einhver væta inn á milli. „Það er útlit fyrir rigningu á morgun og einhver væta verður á laugardag en á sunnudag eru spárnar að skána og þá gæti orðið stund milli stríða yfir miðjan daginn,“ segir Einar og bætir við að um 15-18 stiga hiti verði í sólinni.
Útlitið er ágætt fyrir landið allt á sunnudaginn að undanskildu úrkomusvæði austur af landinu sem gæti náð inn á Austurland.
Áfram verður milt veður þrátt fyrir vætu og hlýjast verður norðaustantil þar sem hitinn fer líklega í 20 stig um helgina.
„Þetta verður tiltölulega meinlítið veður þó að það fari bakki norðvestur yfir landið á morgun og undan honum blæs aðeins. Framundan eru þó meinhægir dagar eins og hefur verið að undanförnu hvað vinda varðar,“ segir Einar.
„Nánast aftakaveður þegar hryðjurnar ganga yfir“
„Á allt sitt undir því að njóta trausts almennings“
Veðurspáin mjög slæm: Ökumenn fari varlega
„Átti von á fleiri útköllum“
Máttu ekki auglýsa „mesta úrvalið“ og „besta verðið“
„Umferðin greinilega að þyngjast“
Fjallvegir á Vestfjörðum og víða um land á óvissustigi