Endurnýjun í stétt sérkennara er ekki nægileg og nú þegar er skortur á þeim í skólum landsins.
Í vor útskrifuðust 11 sérkennarar hér á landi. 27,5% grunnskólanemenda á Íslandi njóta sérkennslu eða stuðnings í námi.
Mikil fjölbreytni nemendahópsins og skólastefnan Skóli án aðgreiningar kallar á mikla sérþekkingu þeirra sem vinna með nemendur með sérkennsluþarfir. Þetta segir Sædís Ósk Harðardóttir, formaður Félags íslenskra sérkennara. Í umfjöllun um mál þetta í Morgunblaðinu í dag segir hún talsvert um að kennarar sem ekki hafi aflað sér sérþekkingar á sviði sérkennslufræða starfi við sérkennslu. Einnig hafi stuðningsfulltrúar sinnt störfum sérkennara.