„Ég er ánægð með að umboðsmaður sé að vinna málið svona hratt og óski svo fljótt eftir ítarlegri upplýsingum. Ráðuneytið mun hér eftir sem hingað til veita allar þær upplýsingar sem í okkar valdi stendur til þess að hraða úrvinnslu málsins,“ segir Hanna Birna Kristjánsdóttir, innanríkisráðherra og bætir við að ráðuneytið muni svara bréfi umboðsmanns innan tilsetts tíma.

Umboðsmaður Alþing­is sendi í dag bréf til bæði Hönnu Birnu Kristjáns­dótt­ur inn­an­rík­is­ráðherra og Sig­mund­ar Davíðs Gunn­laugs­son­ar for­sæt­is­ráðherra í tengsl­um við leka­málið svokallaða og sam­skipti Hönnu Birnu við Stefán Ei­ríks­son lög­reglu­stjóra. Bréfið til Hönnu Birnu Kristjáns­dótt­ur kem­ur í fram­haldi af svari henn­ar við fyrra bréfi umboðsmanns, þar sem óskað var upp­lýs­inga um sam­skipti henn­ar við Stefán Ei­ríks­son.

Tryggvi ít­rek­ar nú ósk um upp­lýs­ing­ar og gögn um fundi henn­ar með Stefáni Ei­ríks­son­ar og vís­ar hann m.a. í regl­ur um skrán­ingu form­legra sam­skipta í Stjórn­ar­ráði Íslands, sem sett­ar voru í des­em­ber 2013.

Hanna Birna segir eðlilegt að umboðsmaður skoði málið betur. „Það er ósköp eðlilegt að hann óski eftir frekari gögnum og það er mat ráðuneytisins að því skýrar sem þessi mál koma í ljós því farsælla sé það.“

Aðspurð hvort umbeðin gögn séu til í ráðuneytinu segir hún að það eigi eftir að fara nákvæmlega yfir hverju verði hægt að mæta og hvernig því verði svarað. „Nú er hann að biðja um ítarlegri upplýsingar á grundvelli þeirra svara og við gerum engar athugasemdir við það.“

Tengdar fréttir

Lekamálið

Óformleg samskipti skráð

• Ákvað að hleypa gleði inn í lífið
• „Hefði aldrei getað gert þetta neitt öðruvísi“
• Lauk með afsögn og áliti umboðsmanns
• Hanna Birna með góðkynja æxli

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Hanna Birna hrósar umboðsmanni alþingis