Ríkisstjórnin starfar eftir eldri siðareglum
Setja bókamerki
Samkvæmt heimildum mbl.is úr forsætisráðuneytinu hefur starfandi ríkisstjórn litið til siðareglna síðustu ríkisstjórnar og farið eftir þeim eins og þær séu enn í gildi.
Unnið er að setningu nýrra siðareglna í forsætisráðuneytinu en þar til þær verða settar hefur verið farið eftir þeim eldri, sem þó féllu úr gildi þegar síðasta ríkisstjórn fór frá. Á vefsíðu forsætisráðuneytisins er hlekkur þar sem enn er vísað í reglurnar frá árinu 2011.
Umboðsmaður Alþingis sendi Sigmundi Davíð Gunnlaugssyni forsætisráðherra bréf fyrr í dag þar sem hann er spurður um siðareglur ríkisstjórnarinnar.
„Hafi ríkisstjórn yðar, hr. forsætisráðherra, ekki samþykkt siðareglur fyrir ráðherra er í öðru lagi óskað eftir afstöðu yðar til þess hvort siðareglur ráðherra nr. 360/2011 gildi um störf ráðherra í ríkisstjórn yðar,“ segir umboðsmaður í bréfinu til Sigmundar Davíðs.
Samkvæmt heimildum mbl.is var þegar hafist handa við að rita svarbréf til umboðsmanns og mun honum vera svarað á næstu dögum.
Sigmundur Davíð Gunnlaugsson er staddur erlendis en flýgur til landsins seint í kvöld.
Fyrri fréttir mbl.is
Vill skýrari svör frá ráðherrum
Tókst ekki að sanna orsakasambandið
Kristín kjörin nýr umboðsmaður Alþingis
Miður hve langan tíma rannsóknin tók
Hefja formlegt söluferli á Olíudreifingu
/frimg/1/51/78/1517859.jpg)
Tekur of langan tíma: Bjarni hvattur til úrbóta
„Má segja að nýr armur sé að myndast í flokknum“
Ekki öll fyrirtæki sek
Kærði sig inn í yfirlýsinguna