Innlent | mbl | 19.8.2014 | 17:11

Risaskriðan enn til rannsóknar

Mynd 1 af 12 Öskjuvatn og mælingar Árni Sæberg

Mynd 2 af 12 Vísindamenn sóttu mælingabát sem settur var á vatnið sl. fimmtudag. Árni Sæberg

Mynd 3 af 12 Öskjuvatn og mælingar. Ármann Höskuldsson eldfjallafræðingur við Jarðvísindastofnun Háskóla Íslands Árni Sæberg

Mynd 4 af 12 Öskjuvatn og mælingar Árni Sæberg

Mynd 5 af 12 Öskjuvatn og mælingar Árni Sæberg

Mynd 6 af 12 Skriðan féll úr bakka vatnsins sem sést fremst á myndinni, og stöðvaðist við eyjuna hinum megin í vatninu. Árni Sæberg

Mynd 7 af 12 Vísindamenn sóttu mælingabát sem settur var á vatnið sl. fimmtudag. Árni Sæberg

Mynd 8 af 12 Báturinn sem verið hefur við mælingar er búinn fjölgeislamæli sem „straujar" vatnsbotninn og nemur hverja ójöfnu. Árni Sæberg

Mynd 9 af 12 Öskjuvatn og mælingar Árni Sæberg

Mynd 10 af 12 Báturinn sem verið hefur við mælingar er búinn fjölgeislamæli sem „straujar" vatnsbotninn og nemur hverja ójöfnu. Árni Sæberg

Mynd 11 af 12 Báturinn var fluttur burt með þyrlu. Árni Sæberg

Mynd 12 af 12 Þarna sést hlíðin sem skriðan féll úr út í Öskjuvatn. Árni Sæberg

Flogið var á þyrlu inn í Öskju í gær m.a. til að sækja bát með s.k. fjölgeislamæli sem notaður var til að rannsaka vatnsbotninn síðustu daga. mbl.is/Árni Sæberg

Berghlaupið sem féll í Öskjuvatn að kvöldi 21. júlí er eitt stærsta berghlaup á sögulegum tíma á Íslandi og vísindamenn eru enn að rannsaka umfang þess. Ljósmyndari mbl.is flaug í gærkvöldi með vísindamönnum inn í Öskju og tók meðfylgjandi myndasyrpu.

Markmið ferðarinnar í gær var að mæla vatnsbotninn og sækja mælingabát sem settur var á vatnið síðast liðinn fimmtudag. Stór hluti af vatninu var mældur árið 2012, í tengslum við ísbráðnun um miðjan vetur en þá var mikil hveravirkni á botninum.

„[Við] sjáum núna að það er rúmlega 2 metrum dýpra. Það segir okkur að skriðan ofan í vatninu er einhvers staðar á bilinu 25-35 milljón rúmmetrar,“ segir Ármann Höskuldsson eldfjallafræðingur, sem var á svæðinu þegar skriðan féll í júlí og flaug inn eftir í gær til að fylgja rannsóknunum eftir.

Ármann segir að a.m.k. þrír af stærstu hverunum á botni vatnsins séu „dauðir“ en samanburður á þeim gögnum sem fengust við kortlagningu botnsins þá og nú gerir vísindamönnum kleift að sjá nákvæmlega hvar skriðan hefur farið í vatninu.

Ármann segir mikilvægt að vita hvað er að gerast á vatnsbotninum á jafn virku eldfjalli og Öskju, enda sé víst að þar muni verða fleiri eldgos og skriðuföll. „Við erum betur í stakk búin til að skilja þessa viðburði og hvers vegna þeir gerast og afleiðingar þeirra,“ segir hann.