Skipverji á  Nærabergi, færeyska skipinu sem liggur nú við höfn við Vogabakka í Reykjavík en fær ekki hefðbundna þjónustu, vandar Íslendingum ekki kveðjurnar í aðsendu bréfi til fréttavefsins jn.fo.

Hann segir Íslendinga eiga að skammast sín fyrir að vera tregir til að hleypa skipinu, sem lenti í vandræðum eftir að vélin bilaði, að íslenskri höfn og neita því næst að veita því þjónustu. Vísar hann meðal annars í fjárhagslega aðstoð sem Færeyjar veittu Íslendingum eftir bankahrunið 2008. „Þetta eru þakkirnar,“ segir skipverjinn sem skrifar bréfið. 

Skipið Næraberg er í eigu Næraberg P/f í Færeyjum og gerir út frá Klaksvík. Um borð  í skipinu er um 1.000 tonn af fiski. Vélarbilunin kom upp í fyrradag, en skipið hafði verið á veiðum við Grænland.

Svo virðist sem tekist hafi að laga hluta bilunarinnar þannig að skipið gat siglt á 4 – 5 sjómílna hraða. Í gær bilaði vélin aftur og því var óskað því að skipið fengi að koma til hafnar á Íslandi. 

Frétt mbl.is: Færeyingar fá ekki olíu í Reykjavík.

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 5 blogg um fréttina

Bloggað um fréttina

• Ómar Ragnarsson: Tvö skammarleg mál gagnvart sannri vinaþjóð.
• Heimir Lárusson Fjeldsted: Skömm
• Jens Guð: Aulagangur hrokafyllstu Íslendinga ríður ekki við einteyming
• Ásthildur Cesil Þórðardóttir: Skammarleg framkoma gagnvart okkar minnstu bræðrum.
• Guðlaugur Guðmundsson: Afgreiðslubann á skip Færeyinga