„Við vorum allar mjög óhressar með þetta, það er skemmtilegra að nota þetta hráefni og búa þetta til á hefðbundinn hátt,“ segir Margrét Sigfúsdóttir, skólastýra Hússtjórnarskólans í Reykjavík, en ekki er lengur hægt að kaupa vambir til sláturgerðar í verslunum hér á landi. 

Verða þeir sem taka slátur þetta árið að nýtast við gervivambir eða svokallaða prótínkeppi. Síðustu ár hefur Sláturfélag Suðurlands, SS, unnið vambir og selt til verslana hér á landi en ákveðið var að frá og með þessu hausti yrði það ekki gert.

Margrét segir hætt við því að hefðin, að sauma vambir og nýta þær til sláturgerðar, týnist þegar erfitt verður að fá vambirnar. Nemendur skólans tóku slátur í síðustu viku og verður það soðið á fimmtudaginn í þessari viku. 

Aðspurð segist Margrét finna mun á vömbunum og gervivömbunum en hún hafi þó ekki fundið mikinn mun á bragðinu. Bendir hún meðal annars á að minna fer í gervivambirnar en þær sem eru ekta.

„Þetta er afturför. Maður fer á útimarkaði erlendis þar sem verið er að selja garnir, vambir og fleira,“ segir Margrét. 

Frétt mbl.is: Ekki lengur hægt að kaupa vambir

Tengdar fréttir

Sala á vömbum vegna sláturgerðar

Sex hjálparstarfsmenn drepnir

• Sala á vömbum fer vel af stað
• „Það verða keyptar vambir“
• Hefja sölu á vömbum
• Flytja út fleiri tonn af vömbum

» Fleiri tengdar fréttir

• Blogga um frétt