Dregið hefur úr virkni í Tungnafellsjökli en virkni í Bárðarbungunni er enn töluverð. Klukkan 9.40 í morgun mældist skjálfti 5,4 að stærð í norðurbrún Bárðarbunguöskjunnar.

Í tilkynningu frá Veðurstofu Íslands kemur fram að skjálftinn sé með stærri skjálftum sem mælst hafa síðan umbrotin hófust. Ekki mældist skýrt sigmerki á gps-tæki samfara skjálftanum.

Skyggni við gosstöðvar er slæmt. Ekkert hefur sést á vefmyndavélum síðan eftir hádegi í gær.  Lágskýjað er og úrkoma, slydda eða snjókoma er á svæðinu við gosstöðvarnar. 

Tengdar fréttir

Bárðarbunga

Vatnajökull skelfur

• Nema landris umhverfis öflugustu eldstöð landsins
• Virknin ekki meiri síðan í stærsta gosi síðari alda
• Skjálftinn reyndist vera 5,1 að stærð
• Snarpur jarðskjálfti í Bárðarbunguöskju

» Fleiri tengdar fréttir

• Blogga um frétt