Samfara auknum línuveiðum við landið á síðustu árum hefur veiði á undirmáls- og smáþorski aukist, en slíkt stuðlar ekki að góðri nýtingu á stofninum.

Þrír fiskifræðingar á Hafrannsóknastofnun benda á að áhrifaríkasta leiðin til að koma í veg fyrir veiðar á minnsta þorskinum sé að banna línuveiðar á stórum svæðum næst landi. Þetta kemur fram í grein sem þeir rita í vísindarit Alþjóða hafrannsóknaráðsins, ICES.

Í umfjöllun um mál þetta í Morgunblaðinu í dag segir, að í rannsókn fiskifræðinganna séu  dregnar saman niðurstöður úr mælingum á sókn og afla sem taka yfir margra ára tímabil. Lokun stórra svæða næst landi er sögð myndu skila mestum árangri og er þá ekki verið að tala um tímabundnar skyndilokanir eins og beitt hefur verið við landið í fjölda ára heldur lokanir til lengri tíma.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir