Vefsíða Ríkis íslams opnuð á ný
Setja bókamerki
Vefsíða tengd hryðjuverkasamtökunum Ríki íslams, sem til skamms tíma var hýst hér á landi undir íslenskum lénum, er aftur aðgengileg á netinu á nýju léni. Nýja lénið er Khilafah.link en áður var notast við lénin Khilafah.is og Khilafa.is.
Eins og mbl.is hefur fjallað um lokaði Advania á hýsingu vefsíðunnar hér á landi þegar innihald hennar kom í ljós og ISNIC lokaði lénunum í kjölfarið. Vísað var einkum í viðskipaskilmála fyrirtækjanna en einnig í íslensk lög. Aðstandendur vefsíðunnar boðuðu í kjölfarið að hún yrði bráðlega opnuð á nýjan leik undir nýju léni.
Sami einstaklingur er skráður fyrir nýja léninu og íslensku lénunum, Azym Abdullah. Hann er hins vegar skráður til heimilis í Bretlandi hjá ISNIC en á Nýja Sjálandi vegna nýja lénsins. Upphaflega voru íslensku lénin skráð á annað heimilisfang á Nýja Sjálandi en í ljós kom að ekki var um eiginlegt heimilisfang að ræða heldur öryggishólf. Fyrirtækið sem útvegaði hólfið kannaðist hins vegar ekkert við nafnið Azym Abdullah.
Sáu eldgosið brjótast út frá Snæfellsnesi
Hraun fór yfir Grindavíkurveg
Óttast að fólk fari aftur að eyða peningum
Gosið gæti varað lengur: Meiri fyrirstaða í gosrásinni
Þórarinn: Tafir á höfuðborgarsvæðinu ekki minni
Heitt vatn fannst sem gæti annað 10 þúsund manns
Borgin verður af milljörðum eftir dóm Hæstaréttar
Úlfar: Heppileg tímasetning á gosinu