Byssumaður handtekinn á Þórshöfn

Sérsveitarmenn frá Akureyri og lögreglan á Húsavík handtóku mann á Þórshöfn laust eftir klukkan 11 í morgun en tilkynnt hafði verið að hann væri vopnaður haglabyssu í bænum.

Samkvæmt upplýsingum frá lögreglunni á Húsavík er verið að flytja manninn á lögreglustöð þar sem hann verður yfirheyrður. Tilkynning um að vopnaður maður væri á ferð á Þórshöfn barst lögreglunni um hálfsjöleytið í morgun.

Ekki er upplýst frekar um málið að svo stöddu.

• 2 blogg um fréttina

Bloggað um fréttina

• Már Elíson: Byssumaður handtekinn...
• Heimir Lárusson Fjeldsted: 60000 til 80000 byssur á landinu