Tékknesk yfirvöld hafa enn ekki tekið til umfjöllunar beiðni um framsal á tveimur íslenskum stúlkum sem afplána nú fjögurra og hálfs árs fangelsisdóm fyrir fíkniefnasmygl. Þórir Gunnarsson, aðalræðismaður Íslands í Tékklandi, segir ekkert liggja fyrir um hvenær ákvörðun um mögulegt framsal gæti legið fyrir.

Stúlkurnar tvær afplána dóma sína í fangelsi utan við höfuðborgina Prag og vinna í súkkulaðiverksmiðju. Upphaflega voru stúlkurnar dæmdar í sjö og hálfs árs og sjö ára fangelsi en dómarnir voru mildaðir í fjögur og hálft ár hvor. Framsalsbeiðni var lögð fram í sumar.

„Það er ekki komið neitt ennþá. Þetta er bara enn í vinnslu. Ég hafði samband við innanríkisráðuneytið í Tékklandi til að ýta á það í morgun. Þetta er allt í ferli en það er ekki búið að taka beiðnina neitt fyrir. Kerfið tekur langan tíma og ég hef enga tímasetningu,“ segir Þórir. 

Formlega sótt um framsal

Tengdar fréttir

Dæmdar fyrir kókaínsmygl í Tékklandi

Stúlkurnar komnar til Íslands

• Formlega sótt um framsal
• Framsalsferlið sjálft ekki hafið
• Milduðu dóminn
• Safnar peningum fyrir frænku í fangelsi

» Fleiri tengdar fréttir

• Blogga um frétt