Hópur fólks er saman kominn á Austurvelli til að mótmæla aðgerðum og aðgerðaleysi stjórnvalda. Mótmælendur krefjast þess að stjórnmála menntaki hagsmuni þjóðarinnar fram yfir hagsmuni flokka. Þetta er þriðji mánudagurinn í röð sem Jæja-samtökin standa fyrir mótmælum við þinghúsið.

Mótmælin í dag hafa yfirskriftina „Jæja, Hanna Birna!“

Íslendingar í Danmörku munu einnig koma saman í Kaupmannahöfn í dag til að sýna mótmælendum á Íslandi samstöðu, að sögn skipuleggjenda mótmælanna.

„Það ríkir sundrung í þjóðfélaginu. Ríkisstjórnin situr í skjóli kjósenda og ber því að vinna að hagsmunum allra í samfélaginu. Við búum í samfélagi, ekki einkahlutafélagi! Það þarf að „leiðrétta“ allt samfélagið. Byrjum á grunnstoðum samfélagsins,“ segir í facebooksíðu samtakanna.

Illugi Jökulsson rithöfundur og Bragi Páll Sigurðsson, höfundur greinarinnar Ísland er ónýtt, flytja ávörp. 

Mótmælin hafa farið friðsamlega fram, en skipuleggjendur leggja áherslu á kærleik og samstöðu.

Tengdar fréttir

Mótmæli á Íslandi

23 fengið bætur vegna mistaka í skýrslu

• Mótmælendur brutu skilmála borgarinnar
• Enginn gagnagrunnur um mótmælendur
• Ekkert gert með samantektina
• Sambærilegar samantektir ekki til

» Fleiri tengdar fréttir

• 5 blogg um fréttina

Bloggað um fréttina

• Haraldur Haraldsson: Fjölmenni á Austurvelli//Blessað fólkið er farið langt framúr sér,það er …
• sleggjuhvellur: Meiri frjálshyggja
• Haukur Gunnarsson: Væri ekki rétt að vera með spjald aldrei aftur vinstri …
• Steindór Sigursteinsson: Ríkisstjórnin er að vinna að bættum hag allra landsmanna.
• Páll Vilhjálmsson: Ríkisstjórnin upp, mótmælin niður