Landssamband sjálfstæðiskvenna fagnar því að Bjarni Benediktsson, formaður Sjálfstæðisflokksins, hafi gætt að kynjahlutföllum við skipan í ráðherraembætti og kona hafi orðið fyrir valinu, en Ólöf Nordal er nýr innanríkisráðherra landsins.

Þetta kemur fram í ályktun sem sjálfstæðiskonur hafa sent frá sér. Ályktunin er svohljóðandi:

„Landssamband sjálfstæðiskvenna óskar nýjum innanríkisráðherra, Ólöfu Nordal, velfarnaðar í starfi. Hún hefur sýnt með verkum sínum að hún er vel hæf til að sinna þeim mikilvægum málaflokkum sem undir ráðuneyti hennar heyra. LS fagnar því að Bjarni Benediktsson formaður Sjálfstæðisflokksins hafi gætt að kynjahlutföllum við skipan í ráðherraembætti og kona hafi orðið fyrir valinu. Það er í samræmi við ályktun flokksráðsfundar frá nóvember þar sem lögð er áhersla á að gæta að jafnrétti og stöðu kvenna í Sjálfstæðisflokknum og tileinka næsta landsfund konum.“

Tengdar fréttir

Ráðherraskipti

Kristín mun aðstoða Ólöfu Nordal

• Brynjar fær hláturskast í viðtali
• Buðu Ólöfu velkomna til starfa
• Líst vel á nýja liðsmanninn
• Hæst ánægð með eftirmanninn

» Fleiri tengdar fréttir

• Blogga um frétt