DV-menn höfðu betur gegn Hilmari

Hæstiréttur hefur staðfest sýknudóm yfir Reyni Traustasyni og Jóni Trausta Reynissyni, fyrrverandi ritstjóra og framkvæmdastjóra DV, í tveimur meiðyrðamálum sem Hilmar Leifsson höfðaði gegn þeim og dv.is. Hilmari var einnig gert að greiða hvorum fyrir sig 850 þúsund krónur í málskostnað og dv.is 350 þúsund krónur.

Við aðalmeðferð málsins í héraði sagðist Hilmar hafa verið mjög svekkt­ur þegar hann sá umfjöllun DV og að erfitt væri að sitja und­ir ósann­ind­um sem þess­um. Hann neitaði því al­farið að hafa verið meðlim­ur í glæpa­sam­tök­um og hann sé ekki fyrr­ver­andi meðlim­ur Vít­isengla.

Umfjöllun DV birtist í blaðinu í ágúst 2012 og var um laun tiltekins fólks sem blaðið sagði tilheyra undirheimum Íslands. Var því meðal annars haldið fram að Hilmar væri fyrrverandi meðlimur í Vítisenglum (e. Hells Angels).

Var sú staðhæfing á meðal þeirra ummæla sem Hilmar vildi láta ómerkja. „Ég hætti þegar þeir fóru í þetta inn­göngu­ferli. Það var í kring­um 2007. [...] Ég prófaði þetta af því ég hef gam­an af akstri mótor­hjóla. [...] Þetta virkaði sak­laust og sner­ist um mótor­hjól og að hjóla sam­an, fara í hópkeyrsl­ur. Ég hafði hins veg­ar ekki áhuga á frek­ari sam­skipt­um og alls ekki að tengj­ast Hells Ang­els,“ sagði Hilm­ar við aðalmeðferðina sem sagði fé­lags­skap­inn ekki hafa hentað sér.

Frétt mbl.is: Vítisenglar hentuðu ekki Hilmari

Frétt mbl.is: DV-menn sýknaðir af kröfum Hilmars

• Blogga um frétt