„Einhverjir virðast halda að ég hafi afneitað elsta bróður mínum í fésbókarfærslu í morgun. En það er öðru nær enda maður fjölbreytileika og umburðarlyndis, kannski öfugt við þá sem mest tala um slíka eiginleika i eigin fari en rísa gjarnan fyrstir upp á afturlappirnar þegar einhverjum verður fótaskortur á þröngum stíg rétthugsunar.“

Þetta segir Brynjar Níelsson, þingmaður Sjálfstæðisflokksins, á Facebook-síðu sinni í kvöld. Vísar hann þar í þau ummæli sín fyrr í dag að bróðir hans Gústaf Adolf hefði alist upp fyrstu ár ævi sinnar á öskuhaugum í sígaunahverfi á Ítalíu. Þó væri ágreiningur um það hvort faðir þeirra hefði fundið Gústaf á öskuhaugum á Ítalíu eða í eyðimörkinni nálægt Beirút. Brynjar segir í kvöld að þetta hefði verið tilvísun í gamlar deilur hans og bræðra hans, sem eru þrír í heildina, hver þeirra væri tökubarn. Svo ólíkir væru þeir.

„Mér og Guðlaugi bróður mínum þótti Gústaf langlíklegastur enda miklu dekkri á hörund, eyrun útstæðari og kollvikin náðu nánast aftur að hnakka. Fræðimenn hafa hafa hins vegar greint á um hvaðan Gústaf er uppruninn. Sumir hafa haldið því fram að faðir okkar heitinn hafi fundið hann í ferðum sínum um miðausturlönd, annað hvort í eyðimörkinni eða í körfu á bökkum Nílar. Nýjustu rannsóknir benda hins vegar til þess að hann hafi fundist yfirgefinn á öskuhaugum í sígaunahverfi á Ítalíu. Hvað sem því líður og skoðunum hans er hann nú besta skinn og hatar engan.“

Tengdar fréttir

Skipun í mannréttindaráð Reykjavíkur

Endurskoða leiðir við skipun í nefndir

• „Þeirra rödd, rödd haturs og fordóma“
• Gréta í mannréttindaráð í stað Gústafs
• Sérstakt að verða „heimsfrægur“ á Íslandi
• Ekki andstæðingar minnihlutahópa

» Fleiri tengdar fréttir

• Blogga um frétt